Техеран доби кинески системи земја-воздух (SAM) за да ја обнови својата воздушна одбрана уништена за време на неодамнешниот 12-дневен конфликт со Израел, објави Middle East Eye, повикувајќи се на извори блиски до разузнавачките служби.
Испратките дојдоа по неформалното примирје постигнато меѓу Иран и Израел на 24 јуни.
Еден арапски функционер рече дека Белата куќа била информирана за зајакнувањето на одбранбените капацитети на Иран, додека други рекоа дека Иран плаќа за кинеските системи со нафта.
Кина е најголемиот увозник на иранска нафта, при што дури 90% од извозот оди во таа земја, и покрај санкциите на САД.
Испораките доаѓаат во време кога односите меѓу Техеран и Пекинг се продлабочуваат, иако Кина и Русија останаа настрана за време на нападите на Израел врз Иран.
За време на конфликтот, Израел уништи ирански лансери за балистички ракети и елиминираше неколку воени лидери, но Иран сепак успеа да возврати, погодувајќи цели во Тел Авив и Хаифа.
Иран моментално ги користи руските С-300, постарите кинески системи и домашните батерии како што се „Хордад“ и „Бавар-373“, кои имаат ограничени можности против израелските авиони Ф-35.
Кинеските HQ-9 и HQ-16 веќе се извезуваат во Пакистан и Египет, а сега очигледно и во Иран.
Се очекува Доналд Трамп и Бенјамин Нетанјаху да разговараат за Иран и неговата нуклеарна програма следниот понеделник.