Подморницата Титан која исчезна на пат кон потонатиот брод Титаник е дизајнирана да се врати на површината по 24 часа, според Арон Њуман, инвеститор во OceanGate, кој ја организираше посетата на потонатиот брод.
„Титан под вода држи баласт, големи тежини кои помагаат да се стабилизира бродот, кој автоматски се ослободува по 24 часа за да може подморницата да излезе на површината. Подморницата е дизајнирана да се враќа“, изјави Њуман за Си-Ен-Ен.
„Членовите на екипажот знаат дека можат да го ослободат баластот со нишање на бродот или со користење на пневматска пумпа. Ако сето тоа не успее, јажињата што го прицврстуваат баластот се дизајнирани да се скршат по 24 часа за автоматски да ја испратат подморницата назад на површината на океанот“, објасни тој.