Институтот за проучување на војна објави нова анализа и мапа на конфликтот во Украина. Подолу се деловите:
Рускиот претседател Владимир Путин продолжува да ја отфрла идејата за суверенитет на Украина на начин што е фундаментално некомпатибилен со сериозни преговори.
Во својот говор Путин изјави дека „единствената вистинска гаранција за украинскиот суверенитет“ може да биде само Русија, која ја „создаде“ Украина.
Путин повтори дека е „историски факт“ дека Украинците и Русите во основа се „еден народ“ кој погрешно е поделен на „различни држави“.
Путин не се откажува од својата главна цел
Изјавите на Путин го отфрлаат правниот факт дека Украина е целосно суверена држава и дека украинскиот народ постои како посебна нација.
Одржувањето на наративот од страна на Путин дека Украина и Русија се една нација поделена во различни држави со произволни историски околности укажува на неговата постојана цел да ја уништи украинската држава и да ја избрише идејата за украинскиот народ.
#Putin continues to reject Ukrainian sovereignty in a way that is incompatible with serious negotiations. His perpetuation of the narrative that #Ukraine and #Russia are a single people indicates his continued objective to destroy the Ukrainian state.https://t.co/nkQBvQuhL8 pic.twitter.com/JVMcXy8hmS
— ISW (@TheStudyofWar) October 28, 2022
Висок руски функционер се закани дека Русија би можела да ги таргетира западните комерцијални сателити кои и помагаат на Украина.
Заменик-директорот на Одделот за контрола на оружјето на руското Министерство за надворешни работи, Константин Воронцов, им рече на Обединетите нации дека САД и нивните сојузници се обидуваат да го искористат просторот за да „наметнат западна доминација“ и дека „квазицивилната инфраструктура може да биде легитимна цел за одмазднички напад“.
Ројтерс објави дека портпаролот на Советот за национална безбедност на САД, Џон Кирби изјавил дека САД ќе одговорат на секој напад врз американската инфраструктура.