Годишната стапка на инфлација во Унгарија падна во март од 3,7 отсто во февруари на 3,6 отсто и сега е најниска од февруари 2021 година, објави денеска Централниот завод за статистика на Унгарија (КСХ).
Цените на храната се зголемија во март за 0,7 отсто на годишно ниво, забавувајќи се од февруарските 2,2 отсто, како и цените на алкохолните пијалоци и тутунот, поскапувајќи се за 4,4 отсто на годишно ниво наспроти 5,3 отсто во февруари.
Во услужниот сектор е забележано мало забавување на растот на цените на годишна основа, од 10 отсто во февруари на 9,9 отсто во март, се наведува на веб-страницата на КСХ.
Годишната основна стапка на инфлација во Унгарија падна во март од 5,1 отсто во февруари на 4,4 отсто, а сега е најниска во последните 30 месеци, пренесува Танјуг.
На месечно ниво, цените во Унгарија се зголемени за 0,8 отсто во однос на февруари.