Судија на Врховниот суд на Бразил отвори истрага против Илон Маск, откако мултимилијардерот рече дека повторно ќе ги активира сметките на платформата X што судијата наредил да бидат блокирани.
Маск на платформата објави дека ограничувањата се укинати бидејќи судската наредба е неуставна.
Тој, исто така, го повика судијата Александре де Мораес да поднесе оставка или да биде отповикан, објави Би-Би-Си.
Доколку Платформата X не ја исполни наредбата на судот, ќе биде казнета со 100.000 реали или 19.774 долари дневно.
Во својата пресуда, судијата Мораес напиша дека Маск започнал кампања за дезинформација против Врховниот суд.
Тимот за глобални владини работи на платформата X рече дека на компанијата не ѝ било дозволено да каже кои сметки се погодени од пресудата.
Сепак, Маск оттогаш објави дека Платформата Х ќе објави сè што бара Мораеш и како тие барања го прекршуваат бразилскиот закон.
Се верува дека спорните профили се поврзани со екстремно десничарски движења кои објавија содржина поврзана со немирите на 8 јануари минатата година, кога илјадници приврзаници на поранешниот бразилски претседател Жаир Болсонаро упаднаа во Конгресот, Врховниот суд и претседателската палата.
Судијата Мораеш стана познат по неговите одлуки да ги ограничи платформите на социјалните медиуми во Бразил.
Тој, исто така, го истражува поранешниот претседател Болсонаро и неговите поддржувачи за нивната улога во наводниот обид за државен удар.
Во саботата, поранешниот претседател објави видео од средбата со Маск во мај 2022 година, а Х може да биде блокиран – рече таа.
Неколку часа претходно, г-дин Болсонаро, исто така, ги повика своите поддржувачи да се соберат на 21 април.
Во меѓувреме, бразилскиот министер за комуникации, Пауло Пимента, остро го нападна Маск, изјавувајќи дека социјалните мрежи не се земја без закон.
– Нема да дозволиме никој, без разлика на парите и моќта што ги има, да ја навредува нашата татковина – додаде тој.
Ако X одлучи да не ја послуша наредбата, платформата може привремено да биде блокирана, според Бруна Сантос, која е менаџер на глобални кампањи во непрофитната Digital Action.
– Маск дејствуваше за да го испровоцира бразилското правосудство. Мислам дека има реални шанси Х да биде блокиран – изјави Сантос.