Илјадници црвени телефонски говорници, светски познатите симболи на Велика Британија, нема да бидат отстранети, соопштија денеска од раководството на британското регулаторно тело за телекомуникации.
Јавните телефони можеби на многумина им изгледаат застарени, како остаток од минатото во ерата на сеприсутните паметни телефони, но регулаторното тело Офком смета дека тие сепак можат да „штедат“ за граѓаните во случај на потреба.
Регулаторното тело предложи правила со кои би се спречило отстранување на околу 5.000 телефонски говорници во области со слаба покриеност со мобилниот сигнал.
Јавните телефонски говорници нема да бидат отстранети во оние делови на Обединетото Кралство каде има голем број самоубиства или во оние од кои се упатени повеќе од 52 повици за помош во последните 12 месеци.
Офком објави дека во земјава има уште околу 21.000 телефонски говорници, од кои во периодот мај 2019 – мај 2020 година биле испратени над 150.000 повици до итните служби и околу 45.000 повици до други служби за помош, како на пр. организација Добар Самарјанин.
– Некои од говорните телефони кои планираме да ги заштитиме се користат за релативно мал број повици, а доволно е само еден од тие повици да го упати вознемирено дете, жртва на несреќа или некој што размислува за самоубиство, тоа е момент на голема потреба“, рече Селина Када, директор за врски во Офком, додавајќи дека регулаторот сака да се увери дека Британците кои живеат во области со слаба покриеност со мобилни телефони, најчесто во руралните области, сè уште можат да телефонираат во случај на итност.