Бунтовничката група Хути од Јемен ја презеде одговорноста за ракетните напади и нападите со беспилотни летала врз Израел, објави денес Ал Џезира.
Како што е наведено, хиперсонична балистичка ракета, опремена со повеќе боеви глави, беше испукана кон Тел Авив, додека две беспилотни летала беа испратени во Елиат на југот на Израел.
„Нападот се спроведува како одговор на геноцидот и опасната ескалација што ја спроведе Израел против нашиот народ во Газа“, се вели во соопштението на Хутите.
Во соопштението, Хутите исто така велат дека ќе продолжат да „ги исполнуваат своите религиозни, морални и хуманитарни должности сè додека не се запре агресијата врз Газа“.
Израелската војска соопшти дека балистичката ракета била успешно пресретната и не предизвикала никаква штета, додека немаше коментар за нападот со беспилотни летала.