Во нападите на САД и Велика Британија врз позициите на Хутите во Јемен, загинаа пет борци на движењето Хути, а шестмина беа ранети, објави групата.
Loading...
Портпаролот на Хутите повтори дека нападите „нема да останат неказнето или возвратени“, пренесува Ројтерс.
Тој рече дека биле извршени напади на 73 цели во Јемен.
Сана, главниот град на Јемен, како и градовите Сада и Замар и провинцијата Ал-Худајда се само дел од целите на нападот, потврди портпаролот на Хутите, нарекувајќи ги нападите „американско-ционистичко-британска агресија “.
Тој повтори дека Хутите ќе продолжат да го блокираат преминувањето на бродови во Црвеното и Арапското море, како поддршка на Палестинците во конфликтот со Израел.