Холандија, заедно со Германија и Данска, планира да ѝ достави на Украина околу 100 борбени тенкови Леопард.
Ова го соопшти украинскиот претседател Володимир Зеленски на заедничката прес-конференција со холандскиот премиер Марк Руте во Киев, пренесува Укринформ.
– Холандија заедно со партнерите од Германија и Данска се подготвува да и предаде на Украина 100 тенкови Леопард. Ова е навистина силна поддршка за Украина – рече Зеленски.
Претседателот посочи дека заеднички приоритет на Украина и нејзините партнери е што е можно повеќе да се забрза испораката на помош за украинските војници.
Шефот на државата ѝ се заблагодари на Холандија за неодамнешната одлука за префрлање на системот за воздушна одбрана „Патриот“ на Украина.
Тој додаде дека разговарал со Руте за други потреби на украинската армија за да обезбеди „заштита од рускиот реваншизам“.
Како што јави Укринформ, холандскиот премиер Марк Руте е во работна посета на Украина.