Организацијата за човекови права Хјуман рајтс воч денеска го објави својот Светски извештај за 2023 година во кој детално се опишани „уништувачкиот број руски злосторства против човештвото“ во Украина.
Тој наведува дека оваа војна „ги уништила животите на цивилите“ во голем дел од Украина и дека воените злосторства како тортура и егзекуции се забележани во голем обем.
Утврдено е дека Русија „вршела неселективни напади врз цивилни области и постојано ја таргетирала енергетската инфраструктура, оставајќи милиони граѓани без струја, вода и греење“.
„Клучот е да се преземе одговорноста“
„Клучно е да се преземе одговорност, како заради правдата за жртвите и преживеаните, така и заради потребата да се казнат тешките злосторства“, рече Јулија Горбунова од Хјуман рајтс воч, како што јави Скај њуз.
Обединетите нации потврдија дека за време на инвазијата на Украина загинале најмалку 6.919 цивили, а 11.000 биле повредени.
Приближно 6,5 милиони Украинци беа раселени локално, додека 5 милиони од нив побегнаа во други земји.
Целосниот извештај на Human Rights Watch можете да го прочитате овде.