Поранешната државна секретарка на Соединетите Американски Држави (САД) Хилари Клинтон изјави пред американските пратеници дека никогаш не го запознала Џефри Епстин и дека немала сознанија за неговите злосторства, објавија денес американските медиуми.
Таа го изјави ова за време на затворено сослушување пред Комитетот за надзор на Претставничкиот дом, како дел од истрагата за случајот Епстин.
Клинтон изјави дека не летала со авионот на Епстин, ниту ги посетила неговите имоти, и дека немала сознанија за неговите или злосторствата на Гислен Максвел.
Повеќе од шест часа сведочење беше одржано зад затворени врати во Центарот за изведувачки уметности во Чапаква, Њујорк, како дел од републиканската истрага за случајот на осудениот сексуален престапник Џефри Епстин.
Клинтон, исто така, изјави дека е сигурна дека дури и нејзиниот сопруг, поранешниот американски претседател Бил Клинтон – кој треба да се сослуша денес – не знаел ништо за злосторствата на Еппстин, објавуваат AP, BBC, NPR и Axios.
Таа ги обвини републиканците дека се обидуваат да го одвлечат вниманието од врските на Доналд Трамп со Епстин.
Претседателот на комитетот, републиканецот Џејмс Комер, рече дека одговорите на Клинтон биле ограничени и повторувачки, и ги обвини некои републиканци дека ги пренасочуваат прашањата кон нејзиниот сопруг.