Францускиот претседател Емануел Макрон ќе го свика својот кабинет на втор кризен состанок за два дена, откако избија масовни немири низ целата земја.
Средбата ќе се одржи во време кога десничарските и крајнодесничарските политичари бараат прогласување вонредна состојба.
Вонредната состојба им дава посебни овластувања на властите кога се смета дека институциите на земјата се „под закана“.
Ова ѝ овозможува на владата да воведе полициски час, да забрани собири и јавни настани.
Размерите на уништување видливи ширум Франција утринава веројатно ќе ги поттикнат повиците за вонредна состојба.
Потпретседателот на Сенатот, Роџер Каручи, веќе објави на Твитер дека непрогласувањето вонредна состојба би било „грешка“.
Но, француската влада би можела да биде претпазлива од чекорот без преседан.
Вонредната состојба беше прогласена од претседателот Жак Ширак за време на немирите во предградијата во 2005 година.
Оваа мерка беше првпат објавена по 50 години.
Како што пренесува Индекс, десет години подоцна француската влада прогласи вонредна состојба по терористичките напади во Париз во 2015 година.
Мерката траеше две години. Вчера неколку владини министри изјавија дека не се размислува за вонредна состојба.
Дали тоа ќе продолжи да биде нивниот став додека се интензивираат насилните протести, останува да видиме.