Се очекува Хамас денеска да го извести Израел за името на третиот заложник кој ќе биде ослободен утре, заедно со цивилот Арбел Јеход и жената војник Агам Бергер.
Според извори, американскиот државјанин Кит Сигел (65) се очекува да биде ослободен оваа недела, но се уште не е потврдено дали тоа ќе биде утре или сабота, кога е планирано ослободување на уште тројца заложници, пишува Тајмс оф Израел.
Во замена за ослободените заложници, Израел ќе ослободи палестински затвореници, меѓу кои 30 затвореници за безбедност за еден Израелец, додека 50 затвореници, од кои 30 терористи кои отслужуваат доживотна казна затвор, ќе бидат ослободени за Агам Бергер, пренесува Танјуг.
Досега, седум заложници се ослободени според договорот за прекин на огнот, меѓу кои тројца цивили и четворица војници на израелската армија, кои беа киднапирани од Хамас на 7 октомври 2023 година.