Британската армија започна истрага за хакерскиот напад на профилите на Твитер и Јутјуб.
Каналот на YouTube прикажуваше видеа за криптовалутата и слики на Илон Маск, додека официјалниот профил на Твитер ретвитна неколку објави кои се чини дека се поврзани со NFT.
Во еден момент името на профилот е сменето во „Bapesclan“, а профилната слика во цртана фигура слична на мајмун со шминка на кловн, пренесува Sky News.
Твитер профилот е вратен во нормала.
„Се извинуваме за привременото нарушување на нашиот фид. Ќе спроведеме целосна истрага и ќе научиме од овој инцидент. Ви благодариме што нѐ следевте и нормалната услуга сега ќе продолжи“, се вели во твитот објавен по инцидентот.
Во меѓувреме, снимките се вратени и на профилот на YouTube.
Портпаролот на армијата изјави дека се запознаени за „хакирањето на воените сметки на Твитер и Јутјуб и дека истрагата е во тек“.
Тие наведуваат дека безбедноста на информациите се сфаќа „исклучително сериозно“.
„Додека не заврши истрагата, би било несоодветно да се коментира дополнително“, се вели во соопштението на армијата објавено на Твитер.
The breach of the Army’s Twitter and YouTube accounts that occurred earlier today has been resolved and an investigation is underway.
The Army takes information security extremely seriously and until their investigation is complete it would be inappropriate to comment further.
— Ministry of Defence Press Office (@DefenceHQPress) July 3, 2022