Републиканскиот гувернер на Флорида, Рон ДеСантис (44) следната недела официјално ќе влезе во трката за претседател на САД во 2024 година, објави Волстрит џурнал повикувајќи се на извори, пренесува Хина и Ал Џезира.
ДеСантис најверојатно ќе поднесе документи за да ја објави својата кандидатура на 25 мај, што се совпаѓа со донаторски состанок во Мајами.
Во поканата за настанот на 25 мај се вели дека донаторите ќе бидат ставени на работа, очигледна алузија на собирање пари за ДеСантис, според извор запознаен со настанот.
ДеСантис е можеби најмоќната закана за напорите на Трамп да ја добие републиканската номинација за трет мандат во 2024 година.
Студирал на елитни колеџи
Анкетите на јавното мислење покажуваат дека тој е во најдобра позиција меѓу републиканците за дуел со поранешниот претседател Трамп, кој веќе ја објави својата кандидатура.
Трамп ги засили своите политички напади врз гувернерот на Флорида во последниве недели и го задржа водството на републиканските прелиминарни избори во 2024 година, според неодамнешната анкета на Ројтерс/Ипсос.
ДеСантис студирал на елитните универзитети Јеил и Харвард. Покрај тоа, тој бил во американската морнарица и учествувал во воената интервенција во Ирак.
По активна должност, ДеСантис работел како федерален обвинител и првпат влезе во Конгресот на САД во 2012 година, како претставник на САД за Шестата област на Флорида.
Тој првпат стана гувернер на Флорида во 2018 година, а беше реизбран во ноември минатата година.