Гугл отстрани 164 апликации за Андроид од Play Store откако беше забележано дека тие ги бомбардираат корисниците со реклами.
Out-of-context (огласи надвор од контекстот или огласи надвор од апликацијата) е релативно нов термин за мобилни реклами што се појавуваат во скокачки прозорец или на цел екран, одделно од оригиналната апликација.
Овој вид реклама е забранет во Play Store од февруари 2020 година, кога Google рече дека овие реклами ги спречуваат корисниците да ја откриваат апликацијата од каде што потекнувала рекламата, што отвора пат за несакани реклами на уредите со Android.
Сепак, иако забраната за прикажување на такви реклами за првпат отстрани 600 апликации за Android од Play Store, тоа не значеше дека развивачите на апликации престанаа да го злоупотребуваат овој механизам.
Во јуни и октомври 2020 година, Google беше принуден повторно да интервенира и да забрани 38 и 240 апликации, соодветно, кои продолжија да го злоупотребуваат овој механизам.
Двете групи на апликации беа откриени од Вајт Опс, компанија специјализирана за откривање ботови и измами за рекламирање.
Оваа недела Вајт Опс соопшти дека неодамна открила друга група апликации кои исто така ја кршат забраната на Гугл, истакнувајќи дека оваа група апликации останале неоткриени подолго од другите, поточно повеќе од две години.
Повеќето од 164 апликации имитираат повеќе популарни апликации, копирајќи ја нивната функционалност и имиња за да ги примамат корисниците да ги преземат.
Апликациите биле преземени повеќе од 10 милиони пати пред да бидат откриени и пријавени на тимот за безбедност на Google.
Имињата на 164 апликации за Android може да се најдат во извештајот White Ops (ТУКА).
Според правилата на продавницата на Google Play, апликациите се отстрануваат од продавницата и се оневозможуваат на уредите на корисниците, но корисниците сепак треба рачно да ги отстрануваат од нивните телефони.