Аманда Мелроуз (41) од Конектикат е сè друго освен типична мајка. Оваа жена призна дека е прилично мрзлива кога станува збор за обврските околу нејзините три деца, па ги остава да си легнат кога сакаат, и дека нејзината шестгодишна ќерка подготвува оброци за себе.
Иако во моментов не е вработена, целодневната грижа за Пејтон (6) и близнаците Вил и Треј (18 месеци) не е на нејзината листа на приоритети, но како што вели, не се срами од тој факт.
На нејзиниот блог „Дваесет мали прсти“ таа напиша дека т.н. мрзливото родителство не е лошо, но да се постигне слободно размислување, независност, почитување и хармонија во семејството.
Пејтон и помага во домашните работи, а покрај тоа што ги средува играчките и облеката, малото девојче започнало и со подготовка на оброци.
– Ние сме семејство, тим. Таа ми помага низ куќата и со тоа станува понезависна. Таа е во состојба да стори сé што ќе и речам: да среди играчки, облека и да организира намирници, но и да подготви неколку оброци. Не добила награда за тоа, се подразбира дека помага затоа што и таа е дел од семејството – објаснила оваа мајка.
За разлика од повеќето мајки, Аманда нема дневен распоред и рутина на која треба да се придржува. Таа не обрнува внимание кога децата имаат попладневен одмор, или кога одат да спијат навечер, а не обрнува внимание дури и ако се будат во текот на ноќта. Како што рече, само поместете ги покрај вас и продолжете да спиете.
Како што вели, таа дури и не се грижи да ги научи децата да вршат нужда во нокшир, таа посочува дека сето тоа ќе започнат да го прават сами, кога ќе дојде време. Интересно е што Пејтон престанала да носи пелени на возраст од три години.
Едно нешто што е најшокантно во врска со невообичаеното одгледување деца на Аманда е дека Пејтон не се запишала на училиште. Како што вели, тоа го сторила за да не мора да се буди рано секое утро и да се држи до строгите рутини и да ја принудува малата да прави домашни задачи или што било поврзано со часовите.
Таа ја оставила Пејтон дома, но често ја носи во музеи и разни настани каде што може да научи многу во живо.
Голем број луѓе и предложија на Аманда да ги смени овие методи, да го запише детето на училиште и да започне да ги учи на пристојност и животни вредности, бидејќи сегашниот начин на живот им предизвикува многу штета. Сепак, таа не обрнува внимание на коментарите, пренесува The Sun.
