Организацијата за заштита на природата Гринпис побара од германската влада да го поддржи прекинот на увозот на гас, нафта и јаглен од Русија.
„Самитот на Европската унија во четврток мора да воведе итно енергетско ембарго на Русија“, изјави Мартин Кајзер, директор на германската филијала на Гринпис.
„Очекуваме федералната влада и канцеларот Олаф Шолц да престанат да се противат на овој потег“, изјави Кајзер за ДПА.
Владата, сепак, ги отфрла предлозите за воведување санкции за енергетиката.
Министерот за економија Роберт Хабек предупредува на најтешките економски последици.
Според Министерството, уделот на рускиот фосилен гас во германскиот увоз на енергија е 55 отсто, уделот на јагленот 50 отсто, а суровата нафта 35 отсто.
Кајзер рече дека е неодговорно што земјите од ЕУ со плаќање на енергенси, како што наведе, го финансираат воениот буџет на рускиот претседател Владимир Путин со стотици милиони евра дневно.
Тој вели дека граѓаните на Германија ја поддржуваат забраната за увоз на енергенси од Русија, а економските последици може да се ублажат со кризниот пакет.
Кајзер вели дека е во ред владата да размислува за бенефиции за граѓаните поради зголемените цени.
„Како што се зголемуваат цените на енергијата, државата зема повеќе даноци. Но, тој предлага државата да ги врати тие пари како обештетување на социјално загрозените, а не да ги ограничува цените на горивата.
ГРАД НА ДУХОВИ: Последни снимки од разрушениот Мариупол (ФОТО)
Потребен е и пакет мерки за штедење, кој ќе ги ублажи последиците од ембаргото на рускиот гас.
„Што е со ограничувањето на брзината во градовите? А што е со програмата за инсталирање на 500.000 топлински пумпи до крајот на годината? И двете би имале моментален ефект, како и продолжување на работата од дома.