Голема експлозија во рафинеријата за нафта Валеро во Порт Артур ги принуди жителите да се евакуираат, соопштија официјални лица.
Градоначалничката на Порт Артур, Шарлот М. Мозес, потврди дека никој не е повреден и ги повика жителите во западниот дел од градот да останат дома додека противпожарните екипи се обидуваат да го изгаснат пожарот, објави АП.
Рафинеријата, која вработува околу 770 луѓе, може да преработува околу 435.000 барели нафта дневно.
Државниот претставник Кристијан Мануел изјави дека Комисијата на Тексас за квалитет на животната средина ја следи ситуацијата и го следи воздухот во областа.
Локалните власти ги предупредија граѓаните да ги ограничат активностите на отворено и да ги затворат прозорците и вратите додека не се стабилизира ситуацијата.