Пожарникарите на грчкиот остров Тасос се обидоа во текот на ноќта целосно да ги стават под контрола пожарите што избувнаа на островот во среда навечер, објавува „Катимерини“.
Пожарите избувнаа синоќа на четири различни фронта, кратко пред 20 часот, и сè укажува дека се предизвикани од удари од гром, поради грмотевиците што го погодија островот, според грчката веб-страница.
Компените и воздушните противпожарни сили беа итно мобилизирани, што беше отежнато од силните ветрови на Тасос.
Имаше голема мобилизација и од Кавала, при што пожарникари и возила се движеа кон островот.
Утрово, два авиона учествуваа во превентивно гаснење, во обид да се спречи повторно појавување на пожарот.
Според грчката противпожарна служба, копнените сили продолжуваат да дејствуваат како превентивна мерка на островот за да се спречи уште едно избувнување поради силните ветрови и високите температури што преовладуваат на Тасос.