Претседателот на српската опозициска Партија за слобода и правда (ССП), Драган Ѓилас, денес изјави дека е сигурен дека во следните година и половина, ќе додје до промена на власта во Србија на сите нивоа.
Ѓилас во интервјуто за агенцијата Бета изјави дека неговиот оптимизам се темели првенствено на фактот дека луѓето го надминале стравот и дека повеќе не сакаат да живеат во земја во која највисоките функционери се поврзани со организиран криминал и корупција.
Тој процени дека до крајот на следната година ќе бидат распишани изборите на сите нивоа, „бидејќи сегашната состојба, во која еден човек и една партија имаат неограничена моќ – е неодржлива и ја води Србија во провалија“.
-Оваа влада се однесува како никогаш да неме да осамне нов ден. Последен час е од Србија да создадеме нормална држава во која ќе се владе согласно Уставот и законите и во која системот на вредности во сите области нема да биде на ниво на Задруги и Парови (ријалити програм), изјави претседателот на ССП.
Ѓилас ја истакна важноста на можниот договор меѓу власта и опозицијата под покровителство на Европскиот парламент и условите под кои опозицијата ќе излезе на избори.