Животот на Изабела драматично се променил откако лекарите ѝ дијагностицирале менингитис во 2010 година. Имала седум години и се борела за живот.
Наставниците во училиштето забележале дека нешто не е во ред и ја испратиле дома. Потоа изгубила апетит, се чувствувала полошо и се онесвестила. Родителите ја однеле во болница.
За да ја спасат, лекарите морале да ѝ ги ампутираат рацете и нозете, рацете речиси до лактите, а нозете до колената.
View this post on Instagram
Откако закрепна, почна да се прилагодува на поограничениот начин на живот. Полека, со насмевка на лицето научила како максимално да го искористи тоа што го има.
Оваа тинејџерка од Велика Британија, која за неколку месеци ќе наполни 19 години, денес е толку добра во шминкањето што и претстои блескава кариера која веќе има нагорна патека.
Нејзините совети за убавина на нејзиниот Инстаграм профил ги споделува дури и Худа Катан, позната американска шминкерка и сопственичка на козметичката линија Hida Beauty, која на таа социјална мрежа ја следат речиси 50 милиони луѓе.
Импресивната вештина на шминкање на Изабела ја направи сензација на социјалните мрежи.
View this post on Instagram
Ја следат над 400.000 луѓе на Инстаграм и повеќе на ТикТок. Колку е добра покажа и едно нејзино видео кое собра неверојатни 19 милиони прегледи и околу милион коментари.
Во него таа покажа како се комбинира бронзена сенка за очи и молив за очи.
Покрај тоа, оваа весела, оптимистичка и енергична девојка работи како маркетинг асистент во автомобилска компанија, откако ќе го положи возачкиот испит и ќе вози без проблем.
Одела во автошкола, признава, иако не била сигурна како ќе го направи тоа, но нејзината желба за независност била толку силна што и успеала.
– Во 2018 година објавив видео на кое се шминкам со палета на сенки за очи Huda. Го снимив со стар мобилен телефон кој веќе беше за ѓубре, па снимката воопшто не беше квалитетна. После тоа отидов на испит и додека се вратив веќе имав 200.000 следбеници и милиони пораки. Тоа видео го сподели и Huda Beauty. Беше тоа лудо чувство. Претпоставувам дека многу луѓе беа изненадени што успеав да се нашминкам иако немам раце – изјавила таа.
View this post on Instagram
– Беше потребно многу вежбање и одлучност за да се дојде до тоа ниво, но се исплатеше. Планирам да работам со Next, Claire’s Accessories and Lounge Apparel и да ја подигнам свеста дека ампутираните луѓе го можат тоа, сакам тоа да го знаат моите колеги – додаде таа.
Таа сè уште живо се сеќава како животот ѝ висел на конец
– Срцето ми застана во болница, доживеав повеќе откажувања на органите и ме ставија во кома. Лекарите се одлучиле за ампутации бидејќи краевите на сите четири екстремитети ја изгубиле циркулацијата, тие всушност биле мртви. Операцијата траеше шест часа – се присети таа.
Таа се разбудила една недела подоцна.
View this post on Instagram
– Во болница останав уште два месеци. Сè ми беше некако заматено. Се сеќавам дека бев збунета од целата ситуација, но си помислив: „Во ред, ова мораше да се случи, па ајде да продолжиме со тоа“. Свеста за реалноста на целата ситуација ми помогна да се справам со тоа“, рече таа.
– Додека ја напуштав болницата, никој од нас не знаеше како ќе јадам, пијам, како ќе одам и како ќе се грижи за себе. Моите родители не беа сигурни дали ми треба некој да биде со мене 24 часа на ден, 7 дена во неделата или дали треба да одам во специјализирано училиште – продолжи да се присетува на своето детство.
– Завршив во мејнстримот. Бев вратена на светот што го познавав, но овој пат сè ми беше непознато. И немаше никој со кој би можела да се поврзам. Така почнав да споделувам видеа на Јутуб, имав 14 години. Објавував видеа кои покажуваат како го користам телефонот, јадам, пијам, чешлам косата и правам други секојдневни работи, бидејќи луѓето секогаш се прашуваат за тоа“, додаде таа.
View this post on Instagram
„Децата на училиште порано беа сурови“
Откако почнала да објавува видеа на Јутјуб, околу себе собрала други луѓе кои имале ампутации, создала заедница каде разменувале совети, разговарале за проблемите, заедно се смееле…
Изабел вели дека целото детско искуство ја направило посилна и порешителна.
– Научив дека можам се што ќе ми падне на памет – напомена таа и додаде дека има освоено бројни спортски награди.
– На почетокот на средното училиште почнав да одам на часови по трамполина и набрзо освоив две британски национални првенства и наградата „Гордоста на спортот“ – гордо рече таа.
View this post on Instagram
Таа се присети и на моментите кога одењето на училиште порано беше болка.
– Училиштето може да биде место каде не само што се споредувате со другите, туку и другите ве споредуваат. Децата се злобни и често кажуваа ужасни работи иако јас стоев блиску до нив и слушав се. Сега е многу полесно. Среќна сум со мојот живот и уверена во себе и во моите достигнувања. Не ме сфаќајте погрешно сега, да се биде четворно ампутирана има свои подеми и падови. Но, моето тело е единственото тело што некогаш ќе го имам, па зошто би го поминала животот на тага или несигурност поради нешто што не можам да го променам – заклучува таа, а пренесува The Sun.