Германската влада има намера да ја замени флотата на воени авиони „торнадо“ со 35 борбени авиони Ф-35, што важи за т.н. невидлив авион.
Исто така, 15 авиони „Еурофајтер“ се на списокот за набавка на авиони кои треба да го заменат 40-годишниот авион на Бундесверот.
Ф-35 се смета за најмодерниот авион во светот, кој не е видлив на радарот поради неговата посебна форма и материјал.
Покрај тоа, Ф-35 може да носи нуклеарно оружје, така што гарантира дека Германија може да го фрли американското нуклеарно оружје во случај на одбрана.
Официјално не е потврдено, но јавна тајна е, посочува „Билд“, дека во Германија, САД во магацините имаат термонуклеарни бомби Б61, кои можеле да бидат прикачени на германски авиони „торнадо“.
Германскиот канцелар Олаф Шолц поради војната во Украина најави модернизација на германската армија и инвестиции од 100 милијарди евра.