Германија размислува да купи ракетен одбранбен систем од Израел или САД за да се одбрани од заканата на руските ракети Искандер лоцирани во Калининград.
Ракетите „Искандер“ имаат таков дострел што можат да стигнат до речиси сите западноевропски земји, а не постои ракетен штит за заштита од таква закана, изјави германскиот министер за одбрана Еберхард Корн за „Велт ам Зонтаг“.
– Такви системи имаат Израелците и Американците. Кои би ги сакале? Ќе успееме ли да создадеме ваков систем за противракетна одбрана во НАТО? Тоа се прашањата на кои сакаме да одговориме сега, рече Корн.
Во 2018 година, Русија постави ракети Искандер во својата енклава Калининград меѓу Полска и Литванија.
Русија прекинува секаква соработка на Меѓународната вселенска станица
Станува збор за мобилен балистички ракетен систем чии две наведувани ракети можат да носат конвенционални полнења или нуклеарни боеви глави.
„Засега само едно е јасно – немаме време ниту пари да развиеме такви системи бидејќи ракетната закана веќе постои“, рече Корн.