Федералната служба за безбедност на Руската Федерација објави дека спречила нов обид на украинските специјални служби да го разнесат Кримскиот мост со моќна бомба.
Сите оние кои биле вклучени во внесувањето на импровизираната направа во Русија биле уапсени.
„Федералната служба за безбедност на Руската Федерација спречи нов обид на украинските специјални служби да извршат терористички напад на Кримскиот мост со помош на автомобил натоварен со експлозив.
Утврдено е дека возило со импровизирана експлозивна направа со голема моќност пристигнало во Русија од Украина, транзитирајќи низ голем број земји.
Тоа ја преминало руско-грузиската граница на меѓународниот граничен премин „Верни Ларс“ во Република Северна Осетија и требало да биде префрлено во Краснодарскиот крај со патен воз управуван од приватен возач“, се вели во соопштението.
Според информациите од ФСБ, автомобилот со бомбата подоцна требало да биде предаден на друг возач – тој требало да го вози тоа возило до Крим преку Кримскиот мост „и да стане несвесен терорист-самоубиец, кого режимот во Киев планирал да го искористи „измамнички“.
„И покрај сите трикови на украинските терористи, припадниците на ФСБ на Русија успеаја навреме да ги откријат нивните планови, да ја пронајдат и онеспособат експлозивната направа внимателно скриена во автомобилот „Шевролет Волт“, како и да ги уапсат сите лица кои биле вклучени во нејзиниот транспорт до територијата на нашата земја“, се нагласува во соопштението, пренесува Спутник.