Тензиите на границата меѓу Израел и Либан достигнаа критична точка.
Израелската армија употреби забранети фосфорни бомби на позициите на Хезболах во јужен Либан во саботата, додека израелскиот премиер Бенјамин Нетанјаху рече дека војниците ќе бидат пренасочени кон северот на земјата.
– Интензивната фаза од борбата против Хамас наскоро ќе заврши. Ова не значи дека војната ќе заврши, туку дека интензивните борби ќе престанат – изјави Нетанјаху за Канал 14, нагласувајќи дека Израел може да го прифати договорот само под свои услови.
Во меѓувреме, Хезболах објави ново заканувачко видео на кое се гледа Тел Авив од воздух, а на крајот од видеото го прикажува градот во урнатини.
Професорот Ашер Кауфман предупредува дека израелските сили сега се повеќе фокусирани на борбата против Хезболах отколку на конфликтот со Хамас во Појасот Газа.
– Единиците на Хезболах би можеле да се обидат да ја преминат границата за да окупираат израелска територија – изјави за The Sun Кауфман, експерт од Институтот за меѓународни мировни студии KROC.
Кауфман додава дека елитните израелски сили со години се обучени за такво сценарио и се подготвени да се одбранат.
ИДФ на северот со години тренира за можноста единица на Хезболах да ја премине границата и да ги окупира населбите на израелската заедница.
Парадоксално е што на крајот тоа се случи на југ – додава професорот.
Израел и Хамас водат крвава војна речиси девет месеци, а сега се стравува дека конфликтот може да ескалира во директна конфронтација на северот со Хезболах.
Проценките се дека милитантната група има меѓу 30.000 и 50.000 борци и меѓу 120.000 и 200.000 проектили и беспилотни летала.
— Pluton (@Pluton45873221) June 24, 2024