Канцеларијата на парискиот обвинител објави дека во вторник е во тек претрес во француските канцеларии на социјалната мрежа X, во сопственост на Илон Маск, како дел од истрагата што беше започната во јануари 2025 година.
Како што е наведено во објавата на мрежата X, претресот го спроведува единицата за сајбер криминал на обвинителството, со вклучување на Европол и поддршка на специјализираната сајбер единица на француската полиција.
Засега нема официјални коментари од компанијата X.
Канцеларијата на парискиот обвинител соопшти дека ја започнала истрагата откако бил контактиран од адвокат кој рекол дека пристрасните алгоритми на мрежата X веројатно влијаеле врз функционирањето на системот за автоматска обработка на податоци.
Обвинителството, исто така, објави дека ја напушта социјалната мрежа X и дека во иднина ќе комуницира преку платформите LinkedIn и Instagram.
LinkedIn е во сопственост на Microsoft, додека Instagram е во сопственост на Meta.