Францускиот претседател Емануел Макрон на Твитер објави: „Не сакаме светска војна“.
„Ние ѝ помагаме на Украина да се одбрани на своја територија, но никогаш да не ја нападне Русија. Владимир Путин мора да ја прекине оваа војна и да го почитува територијалниот интегритет на Украина“, додаде Макрон.
„Нема да користиме нуклеарно оружје дури и ако Русија го користи во Украина“
Со ова францускиот претседател се надоврза на претходната изјава во која тврди дека Франција нема да го користи своето нуклеарно оружје дури и ако Русија употреби нуклеарно оружје во Украина.
„Нашата доктрина почива на основните интереси на нацијата“, рече тој за јавниот сервис Франс 2. „Тие се јасно дефинирани и нема да бидат директно засегнати доколку, на пример, има балистички нуклеарен напад во Украина, во регионот“.