Франција остро го осуди како „одвратно и погрешно“ обвинувањето на израелскиот премиер Бенјамин Нетанјаху, кој рече дека одлуката на францускиот претседател Емануел Макрон да признае палестинска држава го поттикнува антисемитизмот во Франција.
„Франција ги штити и секогаш ќе ги штити своите еврејски граѓани. Ова е време за сериозност и одговорност, а не за мешање и манипулација“, соопшти Елисејската палата, додавајќи дека писмото на Нетанјаху нема да остане без одговор, објави „Тајмс оф Израел“.
Израелскиот весник објави дека кабинетот на Макрон нагласува дека во Франција, која е дом на најголемата еврејска заедница во Европа, насилството врз еврејската заедница не се толерира.
Францускиот министер за Европа, Бенјамин Адад, реагираше одделно на писмото на Нетанјаху, велејќи дека никој не може да ѝ држи лекции на Франција за антисемитизмот.