Претседателката на Европската комисија Урсула фон дер Лајен утринава изјави дека Европската унија работи на намалување на енергетската зависност од Русија, јавува Anadolu Agency (AA).
„Мораме да се ослободиме од зависноста од рускиот гас, нафта и јаглен“, рече Фон дер Лајен на заедничката прес-конференција со италијанскиот премиер Марио Драги во Брисел.
Русија ја прогласи Македонија за непријателска држава – на листата над 20 земји
Заштита на потрошувачите
Таа додаде дека Европската комисија во вторник ќе објави три нови предлози во таа насока.
Русија е еден од главните снабдувачи на Европската унија (ЕУ) на сурова нафта, природен гас и цврсти фосилни горива, како што е јагленот.
Според Меѓународната агенција за енергетика, ЕУ минатата година увезла 155 милијарди кубни метри природен гас од Русија, што е околу 45 отсто од увозот на гас во ЕУ и околу 40 отсто од вкупната потрошувачка.
Комисијата ќе се обиде да ги заштити потрошувачите од зголемувањето на цените на енергијата преку реструктуирање на енергетскиот пазар на ЕУ.
Драги рече дека неговата влада ја поддржува ЕУ во намалувањето на енергетската зависност од Русија, додавајќи дека разговарал со катарскиот емир Тамим бин Хамад Ал Тани за енергетската соработка во саботата.
Гневот на меѓународната заедница
Урсула фон дер Лајен додаде дека ЕУ работи на дополнителни санкции кои би можеле да се оправдаат за Русија во зависност од ситуацијата во Украина, непромислената агресија на Кремљ врз граѓаните, жените, децата и мажите.
Нападот на Русија врз Украина, кој започна на 24 февруари, го предизвика гневот на меѓународната заедница, а Европската унија, Велика Британија, Канада, Јапонија и Соединетите Американски Држави (САД) воведоа економски санкции кон Москва.
Потсетуваме дека според податоците на Обединетите нации (ОН), оттогаш во Украина се убиени најмалку 364 цивили, а 759 се ранети.
Според Агенцијата на ОН за бегалци, повеќе од 1,5 милиони луѓе ја напуштиле Украина во соседните земји.