Флорида гради центар за мигранти среде мочуриште, го нарекуваат „Алигатор Алкатраз“

On:
Loading...
Сподели со своите пријатели

Флорида започна со изградба на нов привремен центар за притвор за мигранти на напуштена писта во средината на мочуриштата Еверглејдс.

Објектот веќе го доби прекарот „Алигатор Алкатраз“ од јавноста, а проектот го води министерката за внатрешна безбедност на САД, Кристи Ноем, пишува Би-Би-Си.

Според министерката, објектот ќе биде финансиран „во голема мера“ од средствата на ФЕМА, агенцијата која вообичаено обезбедува помош за недокументирани мигранти.

„Под водство на претседателот Трамп, работиме со турбо брзина на економични и иновативни начини за исполнување на она што го бара американскиот народ – масовни депортации на криминални нелегални имигранти“, рече Ноем.

ПРОЧИТАЈТЕ И:  Израел го потврди прекинот на огнот: Најавуваат жесток одговор на какво било прекршување

Центарот ќе може да смести до 1.000 луѓе, а изградбата би можела да биде завршена во рок од 30 до 60 дена, изјави државниот обвинител на Флорида, Џејмс Утмаер.

Локација опкружена со природни „чувари“

Новиот центар се гради на местото на јавниот аеродром Дејд-Колиер, на околу 58 километри од Мајами.

Во видео објавено на Платформа X, Утмаер изјави дека станува збор за „скоро напуштена зграда“ и нагласи дека е природна непристапност на теренот.

„Ако некој се обиде да избега, ќе го пречекаат само алигатори и питони. Нема никаде, никаде да се скрие“, рече Утмаер.

Loading...

Проценетите годишни трошоци за работење на центарот се околу 450 милиони долари.

ПРОЧИТАЈТЕ И:  Канада и ЕУ потпишаа договор за безбедност и одбрана

Еколошки ризици и политички поделби

Планот веднаш предизвика жестоки реакции.

Градоначалничката на округот Мајами-Дејд, Даниела Левин Кава, демократка, предупреди дека изградбата во толку чувствителна област може да има „разорни последици за екосистемот Еверглејдс“.

Иако официјалните лица нагласија дека објектот нема да биде сместен во границите на Националниот парк Еверглејдс, загриженоста останува.

Тоа е ретко мочуриште кое вклучува разновидни природни системи, од мангрови до речни заостанати води, и е дом на бројни заштитени видови.