13-годишно момче од Флорида се јавило на 911 за да признае дека ја избодел до смрт својата мајка додека таа спиела до неговата двенеделна полусестра.
Во извештаите од местото на убиството, се наведува дека по ужасниот чин на своите пријатели им испратил фотографии од хоророт што го создал, пренесува New York Post.
Дерек Роса се соочува со обвинение за убиство од прв степен и ќе му се суди како за возрасен.
Во петокот беше неговото прво судско рочиште, на кое тој не присуствуваше, но во негово име се појавија неговиот татко и баба.
На 12 октомври, момчето се јавило на 911 за да пријави дека штотуку ја убил мајка си во нивниот дом во Хиалеа.
На диспечерот му рекол дека ја фотографирал убиената мајка Ирена Гарсија (39) и ги испратил фотографиите на пријатели.
„Се фотографирав и им кажав на пријателите што се случи. Дали е тоа лошо?“, праша за време на телефонскиот повик.
Се слуша како операторот 911 прашува: „Треба да знам дали вашата мајка дише“, на што тој одговорил: „Госпоѓо, таа е мртва“, додавајќи дека има „крв на подот“. Гласот му е забележливо растреперен.
Како што пренесува Јутарњи, тој рекол дека неговата новородена сестра спиела во нејзиното креветче.
На прашањето дали и наштетил, тој одговорил: „Не ја допрев. Не сакав да ја допрам сестра ми“.
За време на 18-минутниот разговор, кој завршува кога полицијата пристигна во неговиот дом, тој рече дека има крв низ целиот под.
Полицајците ја пронашле неговата мајка мртва во спалната соба до креветчето каде што е пронајдено неповредено детето старо 14 дена.
„Во моментов имам пиштол со мене. Сакав да се застрелам, но не можев. Во мојата соба има нож, а во дневната пиштол“, се слушаше на снимката пуштена во судницата.
Хозе Роса, таткото на момчето, изјавил дека никој не можел да замисли дека ќе се случи вакво нешто бидејќи неговиот син бил скромно и мирно дете.
Тој го опиша својот син како почитуван ученик кој бил добро дете, популарен меѓу неговите пријатели.
Неговиот татко признал дека не знаел што довело до нападот, но рекол дека како војник го научил својот син на добри вредности.
Адвокатот на Роза во неделата рече: „Мојот клиент Дерек има силна поддршка од целото негово семејство. Важно е да се запамети дека пред само два месеци Дерек беше 12-годишно дете. Имаме целосна доверба во системот на кривичната правда и во правниот процес“.
Момчето е задржано без обврзница и префрлено во притворниот центар Метро Вест.
Нему му се заканува доживотен затвор доколку биде прогласен за виновен, бидејќи Врховниот суд на САД пресуди дека смртната казна за малолетниците е неуставна.