Американската влада не може да им забрани на лицата осудени за ненасилни злосторства да поседуваат оружје, одлучи судот во Филаделфија.
Пресудата произлегува од тужбата во 2020 година поднесена од Брајан Ренџ од Пенсилванија, кому федерално му е забрането да поседува пиштол откако се изјасни за виновен за измама за социјална помош, пренесува Ројтерс.
Тој во тужбата наведе дека забраната го нарушува неговото право да носи оружје загарантирано со Вториот амандман на Уставот на САД.
„Многу сме задоволни што судот, со доследно примена на одлуката на Врховниот суд, ги поддржа правата на нашите клиенти“, рече адвокатот на Ранџ, Питер Патерсон.
Ренџ се изјасни за виновен во 1995 година за измама на социјалната помош во Пенсилванија за да добие 2.458 долари во бонови за храна, за што беше осуден на три години условна казна.
Федерален судија пресуди против Рејнџ во 2021 година, но минатиот јуни Врховниот суд на САД пресуди дека Вториот амандман го штити правото на поединците да носат оружје на јавно место за самоодбрана.