Ферибот потона кај Бали: Шест лица загинаа, 30 се водат како исчезнати (ВИДЕО)

Сподели со своите пријатели

Најмалку шест лица загинаа, а 30 сè уште се водат како исчезнати откако индонезискиот ферибот КМП Туну Пратама Џаја потона во близина на индонезискиот остров Бали во среда вечерта, соопштија властите.

Loading...

Фериботот, кој превезувал вкупно 65 патници и членови на екипажот, потона половина час откако отпловил од Источна Јава кон Бали, објави Ројтерс.

Досега се спасени 29 лица, а спасувачите продолжуваат со потрагата во тешки временски услови, со силни морски струи и предвидени врнежи од дожд.

Бродови, хеликоптери и стотици спасувачи учествуваат во операцијата.

Властите соопштија дека бродот не бил преоптоварен, но причината за несреќата ќе се испита откако ќе заврши потрагата.

ПРОЧИТАЈТЕ И:  Германија планира доброволна воена служба од шест месеци