Фејсбук ќе забрани читање и споделување на содржини на вести на својот њуз фид во Австралија, со што ќе се повлече линија против предложениот австралиски закон кој предвидува Гугл и компанијата Алфабет да плаќаат на локалните медиуми за вестите.
Фејсбук денес објави дека ги блокирал сите медиумски содржини во Австралија поради новиот предлог закон што не прецизира каква е содржината на весниците, што значи дека Австралијците не можат да читаат вести на Фејсбук, без разлика дали се од домашни или странски страници, рече тој.
„Акциите што ги презедовме се однесуваат на забрана за пласирање медиумска содржина, така што корисниците од Австралија не можат да споделуваат или да гледаат австралиски или меѓународни вести“, изјави портпаролот на Фејсбук.
Меѓу блокираните се и неколку наредби на Владата во областа на здравството, како и службите за итни случаи.
Фејсбук подоцна објави дека тие страници се блокирани по грешка, а австралиската влада соопшти дека ваквиот потег на Фејсбук сериозно го нарушува кредибилитетот на компанијата и платформата, додаде Би-Би-Си.
„Бидејќи законот не прецизира точно каква е содржината на весникот, моравме да разгледаме сè од поширока перспектива, со цел да се усогласиме со законот. Сепак, ќе ја вратиме целата содржина што беше ненамерно погодена од овој потег”, додаде портпаролот.