Многу корисници на Facebook денеска повторно започнаа да добиваат објави од страниците кои ги лајкнувале во основниот News Feed, кои неодамна беа префрлени во Explore Feed.
Српските портали веќе пренесуваат дека постовите на страниците на медиумите, организациите за сега се враќаат на почетна страница, што Facebook го прави дозирано, а се претпоставува дека оваа социјална мрежа во некој момент повторно ќе го врати стариот News Feed.
Facebook има уште една новост која нема да им се допадне на многумина
Loading...
Официјално соопштение од социјалната мрежа засега нема.
Само за потсетување, пред повеќе од месец дена беше воведена опцијата Explore Feed каде се прикажуваат само објави од страниците кои корисниците ги лајкнале, додека основниот News Feed е „пречистен“ и во него се прикажуваа само постови од пријателите. Се работи за експеримент кој ги опфаќа Србија, Словачка, Боливија, Гватемала, Камбоџа и Шри Ланка. Меѓутоа, иако на листата ја нема Македонија, таква судбина добија и некои македонски портали, меѓу нив и порталот Кумановски Муабети кој повеќе од два месеци има опструкции од оваа социјална мрежа, бидејќи е дел од оваа нова опција.
И покрај нашите постојани напори да го пријавиме тоа како проблем до компанијата, од таму засега нема никаков одговор освен дека станува збор за техничка природа и дека тимот работи на подобрување на услугата кон корисниците.
Дали ја добивте иконата на ракета на Фејсбук?Еве за што служи новата опција (фото)
Тоа доведе до пад на видливоста на страниците на Facebook за 60 до 80 проценти, што според однредени аналитичари се смета и како ограничување на слободата за изразување на оваа социјална мрежа, која по се изгледа не ја интересира ништо друго освен парите.