Денеска европските берзански индекси главно бележат благ раст, цените на нафтата и пченицата паднаа, додека на пазарите истовремено се очекуваат податоци за октомвриската инфлација во Соединетите Американски Држави.
Американското биро за статистика на трудот (BLS) ќе ја објави оваа информација во 14:30 часот.
Податоците за инфлацијата се важни за централната банка, ФЕД, која ги зема предвид при донесување одлука за движењето на каматните стапки.
Индексот DAX на Франкфуртската берза денеска во 9:30 часот порасна на 19.060,75 поени, британскиот FTSE 100 на 8.036,72 поени, францускиот CAC 40 на 7.241,90 поени, додека московскиот MOEX падна на 2.752,9 поени.
Вредноста на американскиот берзански индекс Dow Jones падна на 43.910,98 поени, S&P 500 на 5.984,00 поени, а вредноста на Nasdaq на 19.281,40 поени пред денешното отворање на берзите во Соединетите Американски Држави.
Според податоците на берзата, цената на суровата нафта паднала на 68.045 долари, а на нафтата „брент“ на 71.871 долари. Европските фјучерси на гас се продаваа на отворањето на берзата ТТФ по цена од 43,225 евра за мегават-час.
Цената на златото порасна на 2607,47 долари за унца, а цената на пченицата падна на 5,4659 долари за бушел (бушел е еднаков на 27,216 кг).
Вредноста на еврото во однос на доларот изнесуваше 1,05977, што е за 0,19 отсто помалку од вчерашните вредности.