Европската комисија денеска објави дека Европа се соочува со најголемата хуманитарна криза во многу долг период по рускиот напад на Украина и дека бројот на раселени лица може да надмине седум милиони.
– Се соочуваме со нешто што може да стане најголемата хуманитарна криза во наше европско време во многу, многу долг период. Потребите растат од момент во момент – изјави еврокомесарот за хуманитарна помош и управување со кризи Јанез Ленарчич.
Во обраќањето на прес-конференција во Брисел, тој изјави дека очекуваниот број на раселени Украинци е над седум милиони, имајќи ја предвид целокупната хуманитарна ситуација, пренесуваат агенциите.
Ленарчиќ зборуваше по специјалниот состанок на министрите за внатрешни работи на ЕУ на кој се разговараше за кризата.