Советот на ЕУ денеска усвои рестриктивни мерки против седум поединци и седум ентитети од Иран како одговор на наводната испорака на проектили и беспилотни летала од земјата во Русија.
Одлуката за воведување рестриктивни мерки опфаќа поединци и субјекти кои, како што се додава во соопштението на Советот на ЕУ, се „одговорни за развојот и трансферот на дронови, проектили и поврзаната технологија во Русија“, како и за поддршка на војната во Украина и „вооружени групи и ентитети кои ги поткопуваат мирот и безбедноста на Блискиот Исток и регионот на Црвеното Море“.
На списокот се наоѓаат три ирански авиокомпании – Саха Ерлајнс, Махан Ер и Иран Ер, како и две компании за набавки, кои се обвинети дека се одговорни за пренос и снабдување, преку транснационални мрежи за набавки, на беспилотни летала од иранско производство и сродни компоненти и технологии до Русија за употреба во војната во Украина.
Наведени се и две компании кои се занимаваат со производство на гориво за лансирање ракети.
Советот, исто така, одлучи да воведе рестриктивни мерки за иранскиот заменик-министер за одбрана Сејед Хамзе Галандари, истакнати претставници на силите Кудс на иранскиот корпус на револуционерната гарда, Централниот штаб на иранскиот корпус на револуционерната гарда Катаму ал-Анби и вселенската дивизија на иранскиот Воздухопловните сили на Корпусот на револуционерната гарда, како и извршните директори на две компании кои се на листата на ЕУ.
Мерките вклучуваат замрзнување на имотот и забрана за патување во ЕУ, како и забрана за обезбедување средства или економски ресурси, директно или индиректно, на или во корист на наведените физички или правни лица, субјекти или тела.
Одлуката дојде откако Европскиот совет во март оваа година сигнализираше дека, доколку Иран ѝ пренесе балистички ракети и поврзаната технологија на Русија за употреба против Украина, ЕУ ќе биде подготвена брзо да одговори, вклучително и со воведување „нови и значајни“ рестриктивни мерки.