Вулканот Левотоби Лаки-лаки во индонезиската покраина Источна Нуса Тенгара еруптираше денес, исфрлајќи вулканска пепел до висина од 10 километри, објави Индонезиската агенција за вулканологија.
Поради зголемената активност на вулканот, властите го кренаа алармниот систем на највисоко ниво, а десетици жители на селата во непосредна близина се евакуирани од безбедносни причини, објави Ројтерс.
Службениците предупредуваат на можноста за вулканска кал во случај на обилни дождови и препорачуваат расчистување на област во радиус од шест до седум километри околу вулканот.
Левотоби Лаки-лаки претходно еруптираше во јули и август оваа година, предизвикувајќи прекини во воздушниот сообраќај, додека последната голема ерупција во ноември 2024 година уби десет лица и оштети илјадници куќи.
Владата привремено го затвори аеродромот Франциско Ксавериус Седа во Маумере додека ерупциите не влијаат на летовите до и од Бали.
Индонезија, со повеќе од 120 активни вулкани, се наоѓа во Тихоокеанскиот „Огнен прстен“, област со висока сеизмичка активност на повеќе тектонски плочи.