Турскиот претседател Реџеп Таип Ердоган изјави дека турската армија никогаш не користела хемиско оружје и дека строго се придржува до меѓународното право, велејќи дека може да се преземат правни мерки против оние кои упатиле такви обвинувања, јави турската државна телевизија НТВ.
„Нашите вооружени сили никогаш не користеле хемиско оружје. Има и такви кои секогаш ќе се трудат да ви ја уништат репутацијата. Но, ние ќе ги повикаме на одговорност за таквите обвинувања, во согласност со законот“, им рече Ердоган на новинарите во авионот додека се враќаше од службено патување во Азербејџан, пренесе Ројтерс.
Неговите коментари уследија откако турските власти во четвртокот категорично ги отфрлија коментарите на Меѓународната организација на лекари против нуклеарна војна дека турските вооружени сили користеле хемиско оружје во операциите против курдските милитанти во северен Ирак.