Турскиот претседател Реџеп Таип Ердоган разговараше телефонски со италијанската премиерла Џорџа Мелони за билатералните односи меѓу двете земји, како и за актуелните регионални и глобални настани.
За време на разговорот, Ердоган ја понуди подготвеноста на Турција „на секој можен начин“, вклучително и организирање мировни преговори, да придонесе за завршување на војната меѓу Украина и Русија.
Како што објави италијанската Дирекција за комуникации, целта е да се постигне „праведен и траен мир“.
Ердоган нагласи дека во моментов постои „прозорец на можности“ што не треба да се пропушти за да се постигне мир во конфликтот што трае веќе четири години.
Тој повика на интензивирање на меѓународните напори за завршување на војната.
Разговорите меѓу Украина и Русија се најавени за крајот на оваа недела во Истанбул и претставуваат нов дипломатски обид за запирање на војната што започна на почетокот на 2022 година.
Во неделата, рускиот претседател Владимир Путин предложи директни преговори со украинскиот претседател Володимир Зеленски, а тој предлог беше поддржан од Турција и Соединетите Американски Држави. Зеленски потврди дека ќе присуствува на разговорите.