Од почетокот на јуни целата планета се соочува со рекордно високи температури за овој период од годината.
Експертите сметаат дека ова е застрашувачки знак за катастрофа и во време кога сите го очекуваат влијанието на климатскиот феномен „Ел Нињо“, што потенцијално може да доведе 2023 година да стане најтоплата година досега.
Досега секоја година од 1979 година температурата се зголемуваше во однос на претходната година.
Иако месецот сè уште не е завршен и можеби нема да постави нов јунски рекорд, експертите за климата велат дека шемата на засилување на глобалното затоплување може да ја направи оваа година најтоплата досега, надминувајќи ја 2016 година кога температурите надминаа 40 степени.
Долгорочните услови за затоплување предизвикани од согорувањето на фосилните горива веројатно ќе добијат дополнително зголемување на топлината преку Ел Нињо, природно повторлив феномен што се јавува додека делови од Тихиот океан се загреваат, што дополнително предизвикува зголемување на глобалните температури.
Минатата недела американската Национална управа за океани и атмосфера (НОАА) објави дека „Ел Нињо“ е веќе присутен и „постепено ќе зајакне“.
Мајкл Ман, климатски научник од Универзитетот во Пенсилванија, рече дека затоплувањето во просек ќе се влоши за 0,2 степени.
„Глобалната аномалија на температурата на површината моментално е на или блиску до рекордно ниво, а 2023 година речиси сигурно ќе биде најтоплата година досега. Тоа веројатно ќе биде вистина речиси секоја година што доаѓа, сè додека продолжиме да ја загреваме планетата со согорување на фосилни горива и загадување со јаглерод“, рече Ман.
Мика Рантанен, фински метеоролог, рече дека е „сигурно“ дека сегашната ситуација ќе резултира со рекордно топли месеци.
Оваа година веќе се забележани силни, рекордни топлотни бранови кои зафатија места од Порторико до Сибир до Шпанија, додека екстремните горештини во Канада доведоа до масовни шумски пожари кои го исполнија небото над Њујорк и Вашингтон со отровен чад минатата недела.
Според податоците објавени од Ноа, минатиот месец светот го имаше третиот најтопол мај во последните 174 години, а Северна и Јужна Америка го забележаа најтоплиот мај досега.
Кога станува збор за јунскиот рекорд, Ноа предвидува дека има само 12 проценти шанси тоа да се случи, но дека оваа година сигурно ќе се рангира во топ 10 најтопли и најверојатно ќе биде во првите пет.
Во мај, Светската метеоролошка организација предупреди дека глобалните температури најверојатно ќе се зголемат во следните пет години, поттикнати од Ел Нињо, како и од емисиите на стакленички гасови.
Исто така, големи се шансите просечната температура да се зголеми за половина степен повеќе од очекуваниот пораст, поточно за еден и пол степен во однос на претходната година.
Инаку, на самитите фокусирани на климатските проблеми, на кои присуствуваа највисоките светски претставници, беше договорено дека ваквиот раст претставува „црвено светло“ на кое мора итно да се реагира.
Ситуацијата е опасна и во однос на екосистемот, бидејќи зголемената температура во океаните, кои сочинуваат 70 отсто од површината на планетата, влијае на вкупните глобални температури, како и на популацијата на рибите, ги избелува коралните гребени и го поттикнува подемот на крајбрежните мориња.
„Океаните постојано се загреваа, но сега гледаме рекордни температури, што секако е алармантно со оглед на тоа што очекуваме зајакнување на Ел Нињо“, рече Елен Бартоу-Гилис, климатски научник во NOAA.
На крајот на краиштата, без оглед на тоа дали 2023 година ќе се покаже како најжешката досега, научниците предупредуваат дека ескалирачките влијанија на климатската криза сега се многу јасни и нема да бидат забавени додека емисиите на стакленички гасови не се радикално намалени.