Еквадор му го одзеде државјанството на Џулијан Асанж, основачот на Викиликс, кој во моментов е во затвор во Велика Британија.
Судските власти во Еквадор формално го информираа Асанж за ништовноста на неговото барање за натурализација, односно за процесот на доделување државјанство, во писмено решение на барањето на еквадорското Министерство за надворешни работи.
Натурализацијата се разгледува кога е дадена врз основа на прикривање на релевантни факти, фалсификувани документи или измама, пренесува Гардијан.
Еквадорските власти објавија дека документите за натурализација на Асанж содржат неколку недоследности, различни потписи, можни промени во документите и неплатени такси.
Адвокатот на Асанж Карлос Поведа рече дека оваа одлука е донесена поради процесот и дека на Асанж не му било дозволено да се појави во овој случај.
Тој најави жалба во која ќе побара појаснување на одлуката на еквадорските власти.
„Поважно од прашањето за државјанството е прашањето за почитување на човековите права и што ќе следи после процесот на повлекување на државјанството“, рече тој.
Асанж доби државјанство на Еквадор во јануари 2018 година, како дел од неуспешниот обид на владата на тогашниот претседател Ленин Морено да му додели дипломатски статус и да го отстрани од еквадорската амбасада во Лондон, каде помина седум години.
Надлежниот суд ја поништи таа одлука во понеделникот.