Се предвидува дека голема зимска бура, една од најголемите и најекстремните во последните години, ќе погоди повеќе од половина од САД до крајот на неделата, носејќи обилни снежни врнежи и екстремно ниски температури.
Бурата ќе биде толку голема што се очекува снегот, лапавицата и замрзнатиот дожд што ги носи да погодат повеќе од 2.400 километри од територијата на САД, се очекуваат големи прекини во сообраќајот на патиштата и аеродромите во погодената област, а можни се и долгорочни прекини во снабдувањето со електрична енергија, особено поради ледената бура на југот од земјата, објавува CNN денес.
Екстремниот студ ќе ја влоши бурата и нејзините последици со тоа што ќе предизвика снегот и мразот побрзо да се акумулираат на патиштата, што ќе ги отежни расчистувањето и евентуално ќе ги остави оние без електрична енергија со денови без греење.
Се предвидува дека снегот и мразот ќе почнат да се формираат утре над рамнините на централниот и јужниот дел на САД, бидејќи бурата ќе почне да се интензивира, од Оклахома и северен Тексас до Северна Каролина, Вирџинија и Мериленд до сабота навечер.
Врнежите од снег ќе продолжат до недела навечер, на североистокот од земјата.
Предупредувања за зимски бури се издадени за повеќе од 70 милиони луѓе во делови од 20 држави, а се очекува тој број да се зголеми во наредните денови.