Партијата Единствена Русија активно ќе учествува во изборната кампања на актуелниот претседател Владимир Путин, изјави генералниот секретар на руската владејачка партија Андреј Турчак.
За време на состанокот на иницијативната група за номинација на Путин, тој рече дека партијата Единствена Русија, која Путин ја основа пред 22 години, заедно со Серускиот народен фронт, ќе обезбеди се што е потребно кога станува збор за изборната кампања на актуелниот руски претседател, пред сè, собира потписи за поддршка на неговата кандидатура, пренесува ТАСС.
Рускиот претседател Владимир Путин во петокот најави дека ќе се кандидира за нов претседателски мандат, откако Советот на Руската Федерација во четврток ги закажа претседателските избори за 17 март 2024 година.
Тој за своите планови го информирал командантот на баталјонот „Спарта“, Артем Зога, во неформална комуникација со учесниците на церемонијата на доделување на орденот „Златна ѕвезда“ на хероите на Русија, пренесе РИА Новости.