Британскиот премиер Борис Џонсон денеска ќе се соочи со гласање за доверба од пратениците на владејачката Конзервативна партија, им рекол на пратениците претседателот на Комитетот за 1922 година, Греам Брејди, пренесува Ројтерс.
Надминат е прагот од 15 проценти од членовите на парламентарната партија кои бараат гласање за доверба на лидерот на Конзервативната партија“, напиша тој во белешката до конзервативните пратеници.
„Според правилата, денеска, понеделник, 6 јуни, од 18 до 20 часот ќе се гласа – деталите ќе бидат потврдени. Гласовите ќе се пребројат веднаш потоа. Соопштението ќе биде објавено во догледно време.
Британската министерка за надворешни работи Лиз Трас изјави дека го поддржува Џонсон во гласањето за доверба што ќе биде меѓу пратениците од нивната Конзервативна партија, пренесува Ројтерс.
„Премиерот ја има мојата 100% поддршка на денешното гласање и силно ги охрабрувам моите колеги да го поддржат“, напиша Трас на Твитер.
„Тој даде поддршка во закрепнувањето од КОВИД и ја поддржа Украина во лицето на руската агресија. Тој се извини за направените грешки. Сега мора да се фокусираме на економскиот раст“, рече таа.
Според Ројтерс, Трас се смета за потенцијален наследник на Џонсон.