Два проектили истрелани од територијата контролирана од јеменските бунтовници Хути денеска пропуштија комерцијален танкер во близина на теснецот Баб ел-Мандеб во Црвеното Море и нема повредени, изјави за АП неименуван американски претставник.
Официјалниот претставник рече дека американскиот воен брод соборил беспилотно летало за кое се сомневале дека Хутите го лансирале кон бродот и дека нема повредени.
Комерцијалниот танкер кој бил цел на нападот пловел под знамето на Маршалските Острови и се движел од север кон Суецкиот канал во Црвеното Море, покажаа податоците од сателитското следење.
Хутите веднаш не ја презедоа одговорноста за нападот.
Ракетата истрелана од јеменските Хути погоди танкер под норвешко знаме во Црвеното Море во близина на брегот на Јемен во понеделник навечер во близина на теснецот Баб ел-Мандеб.
Хутите извршија серија напади врз бродови во Црвеното Море и лансираа беспилотни летала и проектили кон Израел.
Во последните денови, Хутите се заканија дека ќе го нападнат секој брод за кој веруваат дека оди или доаѓа од Израел, пренесува Танјуг.