Две лица повредени откако „голф“ излетал од патот Речица – Ваксинце

On:
Сподели со своите пријатели

Две лица се повредени, од кои едно потешко, откако „голф“ завчера излетал од патот што ги поврзува селата Речица и Ваксинце.

– На 22.10.2025 околу 16:30 часот во СВР Куманово е пријавено дека на локалниот пат с.Речица-с.Ваксинце патничко возило „фолксваген голф“ со кумановски регистарски ознаки, управувано од И.С.(39) од с.Ваксинце, општина Липково, излетало надвор од коловозот, информираат од Минисерството за внатрешни работи.

Во несреќата, како што додаваат од полицијата, со тешки телесни повреди се здобил возачот, а со телесни повреди се здобил неговиот малолетен сопатник, констатирани во Општата болница Куманово.

ПРОЧИТАЈТЕ И:  МКК Куманово со максимални „три од три“ од почетокот на сезоната (ГАЛЕРИЈА)

Извршен бил увид од увидна екипа од СВР Куманово.

Никола Ивановски