Две лица, од кои едното од Куманово, биле приведени вчера откако биле затекнати како палат кабли во близина на сува трева и дива депонија.
– На 10.07.2025 во 15:30 часот, при вршење на патрола на патот помеѓу Кадино и Миладиновци од страна на полициски службеници од Единица за интервентна полиција при СВР Скопје е забележан црн дим (чад), при што затекнати се две лица кои имаа запалено кабли во близина на сува трева и ѓубре (дива депонија), информираат од Министерството за внатрешни работи.
Како што додаваат од МВР, со брза реакција пожарот е спречен да се прошири и истиот е изгаснат.
– Утврдено е дека станува збор за лицето И.Б.(39) од Куманово и А.Б.(31). Лицата се лишени од слобода во Полициска станица Гази Баба и ќе биде известен Јавен обвинител за поднесување на соодветна пријава, стои во соопштението.
Никола Ивановски